Santa Teresa ikastetxean, Manuel de Lardizabal pasealekuko 25. zenbakian, ASPACEk garun-paralisia edota antzeko asaldurak dituzten adingabeentzako gela du.

Gelak 52 m²-ko azalera du honela banatuta: gela, komunak eta aldagela; sarbide zuzena du belardia, zuhaitzak, haurrentzako jokoak eta abar dituen patiotik.

Eskolako egunetan 7 haur joaten dira zentro horretara; horra joatez gain, Goienetxen beste tratamendu batzuk jasotzen dituzte.

Profesionalen taldea bi irakaslek osatzen dute eta psikologo baten laguntza ere badute.

Egokitutako berezko garraio-zerbitzua eta jantokiko zerbitzua ditu.