Reale Arenan jokatzen diren partidu guztietan plastikozko botilen tapoi asko biltzen dira. Real Sociedad Fundaziotik, bildutako hondakin horiei bigarren bizitza bat eman nahi zaie, hauek altzariak egiteko lehengai bezela erabiliz.

Real Sociedad Fundazioko programa berri honek altzari jasangarriak ekoizten ditu, gerora erakunde bati ematen zaizkionak. Oraingoan, Aspace Gipuzkoa elkarteari eskaini dizkigute. Gure erabiltzaileek adierazi dutenez, jasotako aulki, mahai, paperontzi eta loreontziek,  egiten dituzten jardueretan erabilgarriak izateaz gain, bizitasuna ematen diote lorategiei.

Real Sociedad Fundazioak eta Aspace Gipuzkoak konpromezu ukaezina dugu gizartea hobetuko duten jarduera ororekin, besteak beste, eta nola ez, planeta zaintzearekin.