Garun Paralisiaren Nazioarteko Eguna ikustarazteko, ASPACE EGUNA ospatuko dugu urriaren 4an.

Aurten, berrikuntza gisa, 11:00tatik 12:30era Donostiako Zuloaga Plazan egongo gara,  bertan, karpak jarriko ditugu gure saskigintzako produktuekin, kamisetak, elkarteari buruzko informazioa,… eta hori guztia Musika Eskolako trikitilari eta dantzariek, Oscar Terol eta Algaraklown-ek lagunduta.

11:30etan Aspalagun aitortza egingo zaie Musikene, Euskadiko Orkestra eta Donostiako Orfeoiko gure lagunei, Aspace Gipuzkoarekiko konpromiso eta babes etengabeagatik.

Amaitzeko, 14:30etatik aurrera elkarte-bazkaria izango da Goienetxen: puzgarriak, txikientzako jarduerak, Simon Ezkiagaren emanaldia, dantzak, zozketak, karaokea, DJa,...

Jantzi gure kamixeta arroxa eta gozatu egunaz eta bazkariaz gurekin! Kamixeta eta bazkariko ticketak eskuratzeko, jar zaitez gurekin harremanetan.